Þá er ég loksins byrjuð í skóla, skráði mig reyndar svolítið seint en það var allt í lagi. Það er búin að vera langþráð ósk að skella sér í sjúkraliðann og nú lét ég loksins verða ef því. Vantar enn einhverjar bækur sem eru ekki til hérna, en það hlýtur að reddast einhvernvegin. Annars er bara allt gott að frétta af okkur hérna fyrir vestan. Jakobi gengur vel í skólanum og Camilla byrjar í leikskólanum aftur 1 október. Ætla að sækja svo um dagmömmupláss fyrir Ólann minn og drífa mig svo út á vinnumarkaðinn, (ef hann er einhver). En ég hlýt nú að finna eitthvað trúi ekki öðru. Stefán fer út á sjó á föstudaginn og kemur ekki aftur fyrr en í desember
Þannig að nú bíða mín 2 mánuðir einstæð með 3 börn og rottweilerinn minn. Ekkert spennandi ef ég á að segja eins og er en svona verður þetta bara að vera. Við erum búin að vera rosa dugleg að breyta íbúðinni okkar og erum búin að taka alla ljóta panelinn og setja plötur upp og mála, svo erum við búin að parketleggja meiri hlutann og eigum eftir að fínesera, eins og t,d setja lista og klár að fínmála niður við gólfin og svona. Íbúðin verður æðisleg þegar hún er tilbúin og er orðin æðislega kósý nú þegar.
Jæja ætla að láta þetta gott heita í bili en læt þennann brandara fylgja með;0)
Kona nokkur var að versla í Bónus-verslun í hverfinu.
Hún var búin að setja 3 lítra af léttmjólk í körfuna ásamt
1 eggjabakka með 10 eggjum, 1/2 lítra af appelsínusafa,
1 höfuð kínakál, kaffipakka og bréfi af beikoni.
Ölvaður maður fyrir aftan hana í röðinni fylgdist með þegar hún raðaði
þessum hlutum á færibandið við kassann. Þegar kassadaman tók til að lesa
strikamerkin inn sagði drukkni maðurinn hæglátlega: "Þú ert örugglega
einhleyp"! Konunni gramdist þessi ummæli drukkna mannsins en
jafnframt fannst henni athugasemdin skondin þar sem það var vissulega
rétt, hún var einhleyp. Hún virti fyrir sér þessa sex hluti á bandinu og
furðaði sig á hvernig í ósköpunum hann gæti komið með svona fullyrðingu
af þessum ósköp venjulegu innkaupum. Forvitnin varð henni um megn svo hún
sagði: " Þetta er vissulega hárrétt hjá þér. Hvernig í ósköpunum geturðu
séð það??" . . .
og drukkni maðurinn svaraði:
" Af því að þú ert ljót